میانالی وب سایت شهر میانه

صفحه اصلی فروشگاه انجمن ها نقشه ها تبلیغات اعضا گالری کلیپ ها ارتباط با ما

رتبه: 226

ارسال پیام به ایشان

ارسال پیام به تورک ساواشجی(elsavashjisi)

اگر عضو نیستید ثبت نام کنید تا بتوانید پس از ورود به سایت به ایشان پیام دهید.

درباره من

......................................................................................................

آغلامازدیم زامان آغلاتدی منی

دوز یولوندان آزان آغلاتدی منی

گوردوم حسرتدی همالر سوموگه

ایشله ییر شاخدا سوموکدن ایلیگه

دوزوموزده اییلیر ایری لیگه

قالدی قانماز قانان آغلاتدی منی

آغلامازدیم زامان آغلاتدی منی

تک صبیر گلدی دئدیم ایش دوزه لر

قار گئدر، بوز ارییر یازدا گلر

نه بیلیم یازدا بوران باغری ده لر

یوخاچیخمیش گومان آغلاتدی منی

آغلامازدیم زامان آغلاتدی منی

دئدیلر بیر گون اولار ساز حالیمیز

قیتدیق اولسا واریمیز یاغ بالیمیز

ایندی کی اون تک اولوب ساققالیمیز

بو یالان سوز یامان آغلاتدی منی

آغلامازدیم زامان آغلاتدی منی

ظن ائدیردیم آغیر اولسا یارالار

یارالار آغریسین آنجاق یار آلار

نه بیلیدیم اوره گی یار یارالار

بیلمه مز لیکدی، قان آغلاتدی منی

آغلامازدیم زامان آغلاتدی منی

اره لر توشدو که جنگل جانینا

تولکی لر تور توخودو اصلانینا

طرلانی اووچی باتیر جاق قانینا

اوخدان آرتیق کامان آغلاتدی منی

آغلامازدیم زامان آغلاتدی منی

اری مز قالدی بیینده بوزوموز

گویده سایریشمادی بخت اولدوزوموز

نه قویون قالدی نه املیک قوزوموز

قوردا بنذر چوبان آغلاتدی منی

آغلامازدیم زامان آغلاتدی منی

من دئدیم باغلاسا یادلار قولومو

دایاقیم وار قورییا ساغ سولومو

قوپدی بیر چن که ایتیردیم یولومو

داغا باخدیم دومان آغلاتدی منی

آغلامازدیم زامان آغلاتدی منی

وای بیزه اولدی پوزولماز یازیمیز

مضراب اود توتدی قیریلدی سازیمیز

قالدی قیشلانمادا عاصم یازیمیز

یازی گول سوز یازان آغلاتدی منی

آغلامازدیم زامان آغلاتدی منی ...

yenılmedım hep savaşacagım
......................................................................................................

تورک ساواشجی (elsavashjisi ) ارسال پیام به ایشان